காங்கிரஸ் மூத்த தலைவரும், முன்னாள் கர்நாடகா முதல்வருமான சித்தராமையா பாஜக தலைவர்களை நாய்களுடன் ஒப்பிட்டு பேசியது பெரும் சர்ச்சையை ஏற்படுத்தியுள்ளது.

பள்ளிப் பாடங்களில் இந்துத்துவா கொள்கைகளை திணிக்கும் முயற்சியில் ஆளும் பாஜக அரசு ஈடுபட்டு வருவதாக கூறி காங்கிரஸ் கட்சியினர் பெங்களூரூவில் உள்ள தலைமைச் செயலகத்தின் முன்பு நேற்று (ஜூன் 9) போராட்டத்தில் ஈடுபட்டனர்.

கர்நாடகா: காவிமயமாகும் பாடப்புத்தகங்களை திரும்பப் பெறும்வரை எங்கள் போராட்டம் தொடரும் – மாநில காங்கிரஸ் தலைவர் சிவக்குமார் உறுதி

இந்த போராட்டத்திற்கு தலைமை வகித்த சித்தராமையா, “பள்ளி பாடப்புத்தகங்களை காவிமயமாக்குவதற்காக அவை மாற்றியமைக்கப்பட்டு வருகின்றன. இது மிகவும் கண்டிக்கத்தக்கது. ரோஹித் சக்ரதீர்த்தா தலைமையில் இந்தப் பணி நடைபெற்று வருகிறது. ரோஹித் சக்ரதீர்த்தா ஒரு தீவிரமான ஆர்எஸ்எஸ் காரர் என்பது அனைவருக்கும் தெரியும். அப்படி இருக்கையில், அவரை வைத்து பாடப்புத்தகங்களை மாற்றியமைப்பதை எவ்வாறு ஏற்றுக்கொள்ள முடியும்? எனவே இந்த நடவடிக்கையை பாஜக அரசு உடனடியாக கைவிட வேண்டும். இல்லையெனில், நாங்கள் தெருவில் இறங்கி போராட்டம் நடத்துவோம். இவ்வாறு அவர் தெரிவித்துள்ளார்.

முன்னதாக, மைசூரில் நடைபெற்ற நிகழ்ச்சியில் பங்கேற்றுப் பேசிய சித்தராமய்யா, “நான் என்ன பேசினாலும் பாஜகவினர் நாய்களை போல ஒன்று திரண்டு குலைக்கின்றனர். அவர்கள் அவ்வாறு குரைக்கும் போது, நான் மட்டும்தான் அவர்களுக்கு பதிலளிக்க வேண்டியதாக உள்ளது. மற்ற எந்த காங்கிரஸ் தலைவர்களும் ஒரு வார்த்தை கூட பேசுவதில்லை” என்றார். சித்தராமையாவின் இந்த பேச்சு கர்நாடகாவில் பெரும் சர்ச்சையை ஏற்படுத்தியுள்ளது.

Source : NDTV

மிரட்டும் திமுக பதுங்கும் Subramanian Swamy | Haseef | Makizhnan

சுதந்திர ஊடகத்தை ஆதரிக்க

உங்கள் பங்களிப்பு, அரண்செய் ஊடகத்தின் சுதந்திரத்தை உறுதி செய்கிறது. இதன் மூலம் எங்களால் தொடர்ந்து சிறந்த செய்திகளை அனைவருக்கும் வழங்க முடியும். உங்கள் பங்களிப்பு எவ்வளவு சிறிதாயினும் அல்லது பெரிதாயினும் அது எங்களின் எதிர்காலத்திற்கு மிகவும் அவசியமானது.

மாத சந்தா

ஆண்டு சந்தா

ஒருமுறை சந்தா