பள்ளிகளில் தியான வகுப்புகள் கட்டாயம் ஆக்கப்பட்டுள்ள நிலையில் குழந்தைகளின் வாழ்க்கையில் அரசு விளையாட கூடாது என்று கூறி சித்தராமையா கண்டனம் தெரிவித்துள்ளார்.
கர்நாடக சட்டசபை எதிர்க்கட்சி தலைவர் சித்தராமையா தனது ட்விட்டர் பக்கத்தில் வெளியிட்டுள்ள பதிவில், “பல்வேறு குழப்பங்கள் கர்நாடகாவில் பள்ளி-கல்லூரிகளில் யோகா-தியான வகுப்புகளை அறிமுகம் செய்வதற்கு எனது ஆட்சேபனை இல்லை. ஆனால் பள்ளிகளில் எது முக்கியம்?. அங்கு கல்வி தானே முக்கியம்.
கர்நாடகா: உதவி கேட்டுவந்த பெண்ணை அறைந்த பாஜக அமைச்சர் – எதிர்க்கட்சிகள் கடும் கண்டனம்
பள்ளிக் கல்வித்துறை அமைச்சர் பி.சி.நாகேஷ் எதற்கு முக்கியத்துவம் அளிக்கிறார் என்பதே கேள்வி. ஒருபுறம் பள்ளிகளை நடத்த பொதுமக்களிடம் பிச்சை எடுக்கப்படுகிறது. இன்னொருபுறம் தினந்தோறும் மாயாஜாலத்தை செய்து கொண்டிருப்பதை கண்டிக்கிறேன்.
பி.சி.நாகேஸ் பள்ளி கல்வித்துறை அமைச்சராக ஆன நாளிலிருந்து பாடத்திட்டங்களை திருத்துதல், ஆசிரியர் நியமனத்தில் குளறுபடி என பல்வேறு குழப்பங்கள் ஏற்பட்டு வருகின்றன. அவரது மனநிலை சீரான நிலையில் இருப்பதாக தெரியவில்லை. அவர் ஊழல்களில் மூழ்கியுள்ளார். யோகா, தியானம் மற்றவர்களை விட அமைச்சர் பி.சி.நாகேசுக்கு தான் அதிகம் தேவைப்படுகிறது.
கர்நாடகாவில் ஹிஜாப் தடை தொடரும் – பள்ளிகளைவித்துறை அமைச்சர் பி.சி.நாகேஷ்
கொரோனாவை சரியான முறையில் நிர்வகிக்காததால் பள்ளிகளை மூடினர். குழந்தைகளின் கைகளில் செல்போன்களை வழங்கினர். இப்போது குழந்தைகளிடம் இருந்து செல்போன்கைளை பறிக்க தியான வகுப்புகளை தொடங்கியுள்ளனர். இது பைத்தியக்காரத்தனமான முடிவு.
இளம் குழந்தைகள் ஆடி-பாடி படிக்க வேண்டும். அதற்கு பதிலாக குழந்தைகளை அறையில் போட்டு தியானம் செய்யுமாறு கட்டாயப்படுத்தினால் உடல் ரீதியாக அவா்கள் இன்னும் சோர்வடைவார்கள். முதலில் தேவைக்கு ஏற்ப ஆசிரியா்களை நியமிக்க வேண்டும். கற்றலுக்கு தேவையான உபகரணங்களை குழந்தைகளுக்கு வழங்க வேண்டும். பள்ளிகளில் கலை, இசை, விளையாட்டு பயிற்சி அளிக்க ஆசிரியர்களை நியமிக்க வேண்டும். இதை விடுத்து தங்களின் அரசியல் கொள்கைகளை புகுத்தி அரசு குழந்தைகளின் வாழ்க்கையில் விளையாட கூடாது என்று சித்தராமையா தெரிவித்துள்ளார்.
Source : newindianexpress
பாஜக சங்கி சூர்யாவின் ரவுடித்தனம் | புணர்தலா? ரெட்டியின் ஆபாச ட்வீட் | Aransei Roast | BJP
சுதந்திர ஊடகத்தை ஆதரிக்க
உங்கள் பங்களிப்பு, அரண்செய் ஊடகத்தின் சுதந்திரத்தை உறுதி செய்கிறது. இதன் மூலம் எங்களால் தொடர்ந்து சிறந்த செய்திகளை அனைவருக்கும் வழங்க முடியும். உங்கள் பங்களிப்பு எவ்வளவு சிறிதாயினும் அல்லது பெரிதாயினும் அது எங்களின் எதிர்காலத்திற்கு மிகவும் அவசியமானது.